راح أقولك كلمه يابنتي
ياللي راحه في بيت غريب
بكره يبقى ليكي صديق
بكره هايكونلك حبيب
حافظي على سره وصونيه
حد شرع الله طيعيه
لو فقير انتي تعينيه
في الطلبات ما ترهقيه
لو به عله انتي تداويه
سيبك من اللي حواليه
خليكي انت نور عينيه
هو ليكي وانتي ليه
انتي اللي تخافي عليه
لو به عيب انتي تداريه
ربه ساتره ما تفضحيه
مش هاقول ازاي عامليه
دايما كوني مخلصه ليه
في شبابه الكل جنبه
كلهم عاملين حبايبه
لو وقع الكل سايبه
انتي وحدك اللي تشيليه
لا أخ ولا أخت باقين له
ييجي وقت يستغنوا عنه
كل واحد عنده همه
انتى وحدك اللي تشيليه
لو غضب هوني عليه
وقت حزنه انتي تواسيه
انتي برده سكن ليه
مافيش حد يشاركك فيه
لو عليل باقي لك انتي
لو سليم اتهني بيه
لو فقير اقسمي اللقمه
اوعي لحد تحوجيه
لو بكى يوم على صدرك
ماتقوليش لأقرب الناس ليه
انت الأقرب له الوقتي
شرع ربي سكن ليه
لو قلتي حتى لأقاربه
انتي كده راح تضعفيه
هو معاكي بيبقى ابنك
وانتي برده أم ليه
لو يوم خرجتي سره
عمرك يوم ما تأمنيه
هايفضل شايله في صدره
حتى الزمان ما هينسيه
كل لحظه يقول ويعيد
مهما كنتي مخلصه ليه
خليكم كتاب مقفول
انتي وهوه تكتبوه
عمرك شوفتي أي عيله
تقول ازاي تمشيه
دول معازيم الفرح
يتهنى بيكي تتهني بيه
ما في حد يرسم حياتك
بريشه واحده إيدك في ايديه
اللي عاملين حبايبه
يوم تقعوا طب نعمل أيه
مش هوصي أكتر من كده
بين رموشك اتكحلي بيه
هني نفسك وهنيه
اوعي يوم تحكي لي عليه
هو مرايتك حافظي عليه
عن أهله ما تبعديه
صلة الرحم ووصيه
الوحيد اللي تسمعيه
اوعي لفراشه تهجريه
خلي عيونك على عيونه
شوفي عيونه طالبه أيه
قبل مايقول نفذيه
انتي راحه بس ليه
انتي أقربله الوقتي
سكن ليكي وسكن ليه
(((أسامه جديانه)))
كل التفاعلات:
٢Mansour Benmansour وشخص آخر
مجلة نداء الرؤح لفرسان الكلمات 