…………ياعم مالك …..
مالك ياعم كده زعلان
عملتلك فى البلد كام اعلان
انك بتجوز فلانه لابن فلان
وفى الفرح عايز تجيب
مطرب ومن اسمه همدان
قلتلهم والله ياعالم معارف
ومن ظرفى انا بردة خايف
طبعاانتم اهلى الكل شايف
إن دي بنتى الحيلة وعايزه تفرح
ولا تيجى الحزينة متلقاش مطرح
وانامرضاش حد ليها يجرح
طب ياعم هتجيب منين
وعريسهاالفلسان لسه يدوب متخرج
علينا قاعد يتشفى ويتفرج
والبنت ياناس طلابتها كتير
لكل طلب عايز حساب ومدير
وانا يدوب على قد لحافي
وعلى قد لحافك مد رجليك
…………..الاب…………..
بيقول لبنتة
قبل ماهتقل قيمتة
يابنت حرام عليكى
سوتى عشتى الله يهديكى
من الديون اللى عليه
مبقتش عارف ازاى انام
وعريسها دا واد على قده
م الخيبة حاطط ايده
فوق خده
ودا كله ياغلبى اللى
منهم باخده
لما هاطلع من هدومى
وليلاتى شايل الهم
قاعد ليلاتى مع حالى
ونفسي بفكر
لحد ماكترت همومى
ماحدش بيشل عنى
ولافيه حد فى يوم يسال
انا اللى قلت هاسترها
ومن الغالي بشورها
اترينى مش عارف حاجة
بس ربك كرمه علينا كبير
هو اللى من عنده سترها
وريني هات وريني
طقمين ملامين م الصينى
يكونوا م الاصلى ال ودينى
جبنا البوتاجاز والانبوبة
وأدوات المطبخ مكتوبة
كام طقم شوكة وسكينة
ومعاهم الطقم الملامين
ابو شكل حلو بالونين
خش كمان ع الفرش
من كل صنف هات 100
عشان خاطر أهل العريس
والاوليه
ووعاك تنسى منهم حاجة
طقمين سرين من الستان
يكونوا من النوع الفاخر
ابو شكل جنان
والله شكلم انتم
اللى هطيرولى عقلى
يابابا اكتب وانته ساكت
من السجاد هتلى ماكت
من ابو وبرة حرير
وهتلى من العبيات يامه
واللى طوله ايدك كله
ماتسيبش حاجة غير لما تجيب
من الطقم كام دسته
وخليك فاكر البلاستك
والشرشوبه اللهلولبه
ام لون شكلها فنتستك
وكام فوطة على كام مرش
وبطل في راسك يابابا هرش
عشان افتكر اللى هاجيبة
والحاجة اللى جاية ماتنقص
اسمع يابابا هو انا ماقولتلكش
على قالته بنت عمتى والفشر
إن ابوها هيجبلها بكره معاه
عفشها اللى قالت عليه
كله من مصر
جهاز عروسة يفرش قصر
انا مالى يابنتى ومال ابوها
هما كانوا قالو خطبوها
طب ابوها حرامى ومرتشي
وانا راجل على قدي وبختشي
امد ايدي لحد واخد منه واندين
ربك يابنتى يكملها علينا بالستر
واللى ربه يستره
عمره للعباد مايسيبة تفضحوه
بقلم عبد المنعم مرعي
كل التفاعلات:
١Mansour Benmansour
مجلة نداء الرؤح لفرسان الكلمات 