####################################
============== – صباح الخير ..مساء الخير
####################################
صباح الخير .. مبتردش
مساء الخير .. مبتردش
وعمله الصمت ضليله
يا أغلى الناس
يا ست الكل يا جميلة
مساء الحب يا اصيلة
مساء الذكرى
اللى شايلها فى القلب تصبيره
تعبت م الغربة وم الليلة
ومن كل المسافات الطويلة
وم الشوق اللى بات فى عينيه بلا حيلة
ما تيجى نعيدها دى السيرة
ونتلاقى انا وانتى
ونكون مع القمر جيرة
واقول لك مساء الخير
صباح الخير يا اميرة
وتعملى القهوة بتحويجه
وتضحكى بلاش تكشيره
صوتك يمسح هموم باستيكا
واشوف فى شفايفك شىء يضحكلى
واسمع ا احلى مزيكا
تخبى الهم يا ويكا
وتفهم فى البولوتيكا
يا حبيبتى صبيلى القهوة بتحويجة
وهاتى لى من بقك كمان كيكا
========محمد عبد المقصود داود
كل التفاعلات:
١Mansour Benmansour
مجلة نداء الرؤح لفرسان الكلمات 