#
=== – هو ليهسرقتنى الدنيا من حلمك ==
##############
سرقتنى الدنيا من حلمك
وشبكت فى كُم ماهوش كُمك
فستان الزفه كان واسع
وخيوطه خايفه تضمك
الفرحه تاهت فى الزحمه
وعيون كدابه بتلمك
وصرختى بعترتى الروح
اترينى كنت هناك جواكى
لامس همك وجروح
واتدارى
عيون الغربة بتكحل ميت لون
كما لون عيونك فى الوداع
واتارى حياتنا
بتتقسم طريقين مشاع
طريق وجع
وطريق ضياع
وكأننا جمعنا حزننا
فى لحظتين
ودفنا جوا الصدورحلمين
وحكمنا على شمسنا
تهرب فى كل الدروب
وما تجيب تانى نور
وتتخنق فى كل القلوب
كل عين بصت عليا
كنت اشوف فيهم عينيكى
كل ايد.. لمست ايديا
كنت احس رعشة ايديكى
كنتى حاضرة وكنتى غايبة
ما انتى سايبة
همسات ونظرة
ان كنتى جوا او حتى بره
كنتى ماليه كل حته بالموده
كنتى احساسى بدنيا
ما انتى فرحه اى دنيا
لما جيش الحزن يهجم
لما كات ايدك تلمس ياقة قميصى
القى شعور عاش حبيس
يشدنى لعالم غطيس
============== محمد عبدالمقصود داود
كل التفاعلات:
٣فهدالصحراء الجرئ، وMansour Benmansour وشخص آخر
مجلة نداء الرؤح لفرسان الكلمات 