استغفر الله
ليه يابلد عرفينا
يالي تملي مشرفانا
وحبك قاعد جوه فينا
ومية نيلك حصانة
ناس مش حمل الامانة
اللي يخرم السفينة
ويبدد تعبنا وشقانا
ده ف ليلة سودة وحزينة
اتواعد الهم معانا
ليه يابلد عرفينا
دول علينا ولا معانا
ليه الحظ فهمينا
على ايديهم مش معانا
وتاه ربان السفينة
والضمير مزنوق ف خانه
ليه يابلد إيه العبارة
فين الامن والسلام
الاتنين راحوا في غارة
ماتوا ليه بدون كلام؟
ايه يابلد ايه العبارة
سايبة ليه ولدك يعاند
ميت ندامة وميت خسارة
ليه الفقر تملي وارد
ليه يابلد عرفينا
ياللي تملي مشرفانا
ده مستحيل تشنقينا
وتحوشي عنا هوانا
وتسيبيهم ياكلوا فينا
ويحرمونا من رغيفنا
ولا عيونهم عالجيوب
والموت يكون بكيفنا
ايه يابلد ايه الحكاية
ولااحنا ليه مُستعبدين
ولا احنا ناقصين رباية
ولا طُلنا دنيا او حتي دين
من فضلك عايزين نهاية
لأنه خلاص مش قادرين
عصام قابيل
كل التفاعلات:
٢امواج البحر وMansour Benmansour
مجلة نداء الرؤح لفرسان الكلمات 