ليه
ليه لما اشوفه بيخطفني
ف بحور غرامه بيحدفني
برموش عنيه بيكتفني
ما يدوقشي طعم النوم جفني
ما تقول ده كله بيحصل ليه؟
لو غاب بتقتلني الوحده
بحس روحي انا متاخده
مانا اصلي عيني عليه واخده
ملهوف ووقت لقاه بهدى
مهموم وبرتاح لو عدى
دايما في بالي بفكر فيه
الفرح وياه بيوعدني
عن ويل وآهه بيبعدني
ده ما حد غيره هيسعدني
يا ما نفسي اقوله إليك خُدني
يا ما نفسي اروح واخده ف حضني
انسى الوجود وادارى ف عنيه
بسأل وحالتي انا معروفه
مش عايزه فهم ومكشوفه
اتاريها عارفه ومكسوفه
حاسه اللي حاسو وملهوفه
بتقوللي لعنيك مخطوفه
موصوفلي وانا ليك موصوفه
عاشقاك ودايبه ياسمك إيه
رد السؤال كان جوه عنيه
ولا عمري تاني راح اسأل ليه
بقلمي/ خالد جمال ٣١/٥/٢٠٢٤
أعجبني
تعليق
إرسال
مجلة نداء الرؤح لفرسان الكلمات 