مشتاق
مشتاق يا حبيبي لضي عنيك
وهموت من قلقي وخوفي عليك
مشتاق تلمسني برقه ايديك
ده خلاص فاض بيا من الاشواق
مشتاق لايديك سارحه ف شعري
مشتاق لعنيك نجمه ف سهري
وسألني عليك في الليل قمري
مشتاقه إليك ضمة صدري
مشتاقلك سندي اللي ف ضهري
دانا عمري ف بعدك ويل وهلاك
من يوم ما مشيت قلبي ف حيره
غير ذكرى هواك مالهوش سيره
احزان وجراح فيا كتيره
والروح للشوق عايشه اسيره
دانا راحة بالي تملي معاك
ليه حياتنا تروح ف الهوى اغراب
ليه يسكن بينا ملام وعتاب
ليه العند يفرق بين احباب
ليه نسيب البعد يجيبها خراب
دانا يوم ما هتيجي تدق الباب
هتجيب كل الافراح وياك
ياللي إنت هواك عمي وسيدي
دانا يوم ما هترجع يوم عيدي
لحظة ما ايديك تبقى ف ايدي
الدم هيرقص ف وريدي
هرتاح من حيرتي و تنهيدي
الطير هيغير من تغريدي
الورد يميل على عناقيدي
وهقول لشموعي اوام إيدي
نطوي الاحزان ولا يبقى فراق
مشتاق
بقلمي/ خالد جمال ٣١/٥/٢٠٢٤
كل التفاعلات:
١Mansour Benmansour
مجلة نداء الرؤح لفرسان الكلمات 