#
==================طقوس 7مارس ((2))
##################################
ح نعيش نلوم الحب والعشاق
ونهدى الورد للى مات مشتاق
الدروب تزعل علينا
و ح يبدروا فى الليل الاهات
ويلحنوا على وتر الدموع اعذب النغمات
يلونوا احلام الصبايا من جديد ازاى
ويشيلوا من عيونهم
امل فى بكره اللى جاى
انا قلبى كان درويش فى محرابكم
وعايش مريد الحلقة على بابكم
يتمنى لومد ايده يقطف من اعنابكم
تفتكري مين ح يسند قلبه لوجالكم
الحلم كان صعب تاويله
بس كان سهل اغنيله
واحلف بروح كل عاشق
عاش وماتت تراتيله
الحياة كات لسه ح تكشف سر تسبيله
انا كنت خارج من شرتقة ليله
با غزللك لبكره دليله
بس انتي لسه عايشه بالخوف وتضليله
..انا كنت ناوى اسجنك فيا
بس انتى ليه هربتى زى جنيه
ح تمر سنين وسنين
سنين تروح وسنين عصية
ياحب كان كل الامل
امد ايدى القاكى فى ايديه
===========محمد عبدالمقصود داود
كل التفاعلات:
١Laila Hussin
مجلة نداء الرؤح لفرسان الكلمات 