الناقد
حمدى البوقي
__________
نوح ياحمام
__________
نوح ياحمام نوح
ضي القمر مدبوح
مستني طلوع الروح
مين عارف؟
ومين مُوش عارف؟!!
مين يقدر يقولي؟!!
مين راح يسمعني؟!!
يسمع الصوت الأخرس
النفس المكتوم
والقمرة الطارحة
بذر الموات
طرحت عيال
مفيهاش ريحة العيال!!
قبل ماتبتدى غنوة
راح تنتهى الغنوة
من سكة الطلوع
لسكة الرجوع
من حلق الكلام
لصرخة السكات
يفرش الموات
حرير ومقصب
نوره من ضلام
خيوطه من حديد
قصيدة من مجنون
يانازل الطلوع
ياطالع النزول
يامتشعلق على الحيطة
هات لى معاك بيضة
اعلقها على الشباك
وأعملها أنا قمرة
أمسكها وأدفيها
يدوب الصفار فيها
حتىٓ طلوع النهار
أشقها نصين
يرمح منها صفار الموات
أكحل بيه عيون العتمة
وأنادي ع العيال
وأرسم هلال
يتكون من جديد
يحبل ضي
يولد قمرة
الناقد
حمدى البوقي
أعجبني
تعليق
إرسال
مجلة نداء الرؤح لفرسان الكلمات 