ليه تتكبر 
بقلم/عبد الكبير محمد أحمد
ليه تتكبر
رحت لكبر غرورك واخدك
وانت الضعف ف توب إنسان
جيت الدنيا عريان وحدك
يوم ما تموت تداريك أكفان
كبر……….يزيد الفعل جنان
شيطان ساكن جوا ف قلبك
يقولك ظلمك.. زيده كمان
يعلا غرور…….بالكبر وعندك
حب النفس ماليك نسيان
ظلم الناس بيزيد على يدك
تفرح لو ف الكون أحزان
تعرف إن الكون مش ملكك
وإن العدل بشرعه ميزان
تعيش ضعفك.. نديك عذرك
تفضل…بين الناس بأمان
يكتر كبرك……..تظلم نفسك
تبقى بين الناس حيران
سنين عمرك… فيها لوحدك
طول العمر حزين ندمان
سيب الوهم….وطهر نفسك
خلي القلب عماره إيمان
كبرك…….تبقى نهايته بيدك
إدعي وتوب لغفور رحمن
*************************
بقلم/عبد الكبير محمد أحمد
جمهورية مصر العربية-المنيا
مجلة نداء الرؤح لفرسان الكلمات 