بقلم
احمد محمود
من ديوان. بنا حروف
علشان فقير
انت ليه بتكرهني كدا
علشان انا فقير
مش ذنبي
إنك طلعت ظابط
يعني ابن فقير
والدنيا بتشيل وتحط
عليه علشان فقير
ليه الفقير ريحتة وحشة
ليه جيرتة جيرة عفشة
ليه الكل بيبعد عنة
ليه الكل خايف
يتعدي منة
ملعون ابوك يا فقر
ليه حاوجني للغربان
طول عمري انا انسان
اصيل وطبعي كدا
بالملح اكل لقمتي
ولا امدهاش لجبان
لو ها تعايرني كدا بفقري
روح دور علي غني
سارق حقي سارق قوتي
حتي قوتي رغيف العيش
مسروق مني
ليه دايما تاخد مني
ليه تملي ماصص دمي
وانا ساكت
مش ضعف مني لكني
معجون بحبك يابلدي
واتحمل الجوع لو كافر
وانتي تبني وعلي بالبنيان
بس الأقي في حضنك مكان
لأن وقت الشدة
تلأقي الفقير اشجع الشجعان
يفديكي بروحة ودمة
والغني يهرب زي الجبان
لو كنت فقير انا ابنك
انا اللي باقيلك
في عز العتمة انورلك
قناديلك
حارس لحدودك ونيلك
ولو نيلك يابلدي جف
دم الفقير يجري في نيلك
ويبقي كل اللي باقيلك
انا الفقير ابو ريحة وحشة
يا أمي يامصر
بقلم
احمد محمود
من ديوان. بنا حروف
أعجبني
تعليق
إرسال
مجلة نداء الرؤح لفرسان الكلمات 