=================-من طقوس 7مارس(

( 7) =================محمد عبد المقصود داود============

——————————————————-

=================-من طقوس 7مارس(

( 7)

——————————————————-

رغم انه مسك ايدك

وحس انه ملك وريدك

وانه ح يخضر فى عودك

وانا زارع فيكى احلى وعودك

وانا لسه نبض قلبى

مزهر خدودك

وعشت جوا جروح جروحك

كنت روحك وهمس بوحك

ارسم براح حدودك

واكتب مواثيق عهودك

مهما شاف جوا عيونك

مستحيل يفهم شجونك

مهما خبط فى الكلام

صعب يفك طلاسيم حروفك

اواى حرف منك بينبض ب الحياه

اويناجى جوا قلبك اى معنى للحياه

وانا كان نفسى افك زراير قلبى

ع الاخر

واقول للحزن اتاخر

واحكى قصتى م الاول للاخر

واعرف جواب لسؤالى الجارح

ازاى تبقى بعيدة وقاسية

وانا باعشق فيك قلبك العامر

واتشعلق فى ضى عينيك الساحر

اشوف فيهم براح روحك

ونفرش حكايات حبنا الصابر

كات لسه الحكاية فى اولها

وقلت اضفر احلامى يمكن اكملها

سحبتى ايديك من كفى

وسحبتى ترتيلها

انا اللى حلمت بالمعجزات

اكسر جدار قصرك

واحلم اكون الامير فى عصرك

قدامى سكة سفر

وانا طريق عمرك اللى انحدر

قدامى حلم اكون فرحك ونصرك

بس انتى ليه زودتى فى مهرك

بعدتى عن حلمنا

وطفيتى نجوم فجرنا

وحدى مشيت طريق الدمع والاهات

الحب ما كان لى دليل

ولانك ما عرفتى لغة قلبى العليل

=================محمد عبد المقصود داود============