طوالي
طوالي بحبِك طوالي
والشوق ف هواكي بيحلالي
ياما قلت ف حسنك اشعاري
طوالي الوعد اللي سِكنّا
والعشق اللي مجمّع بينا
طب ليه هنخبي وهنداري
ما خلاص بيه باحت مشاعرنا
حسيتك وداريتك فيا
وقت ما بان احساسك بيا
اول ما عرفت انك شاري
حبيت ايامي ولياليا
من يوم ما عرفتك متهني
من يوم مانا شفتك وبغني
يا ابو رمش مسهرني ليالي
يا حليوه وكفك متحني
ما قدرشي اسيبك انا عمري
ولا ينسى لهيبك يوم جمري
طوالي معاك بس يا غالي
ومسلم ف الشوق ليك امري
بقلمي/ خالد جمال ٨/٦/٢٠٢٤
كل التفاعلات:
١Mansour Benmansour
مجلة نداء الرؤح لفرسان الكلمات 