متسألش عن عمرك
فات منه كام
هو أنت تعرف عمرك
عيش يومك وأنسى همك
متعدش الأيام
خليك فاكر أنك مخلوق
وللمخلوق خالق
وليك كتاب على اسمك
لو عشت الف عام
مكتوب فيه كل أعمالك
حسنات وذنوب
يعنى ح تعيش أيامك
تغلط وتوب
حافظ دايما على لسانك
ده اللفظ محسوب
إبليس واقف على بابك
إياك تفتح له وتصدق
أنه ح يحقق كل أحلامك
ويغير الوعد والمكتوب
ربك خلق الجنه والنار
يعنى فيه حساب
وأنت ليك حرية الاختيار
تصدق إبليس الكذاب
ولا كلام الملك الجبار
ولله فى الكون أحباب
يهديهم حلاوة الإيمان
المخلصين لله
بينهم وبين الله أسرار
وربك رب قلوب
#متسألش عن عمرك كلمات محمد على خالد#
مجلة نداء الرؤح لفرسان الكلمات 