=======-وسالتك فى بداية المشوار=========== #######################################
وسألتك فى بداية المشوار
والنور فى عينيك له اسرار
والسما راسمه لنا احلى نهار
كات كل الاشجار
بتشارو ليك تحضن فى عينيك شىء محتار
والحلم فى عينك بيلوم
كل الاحلام الخايفه من بكرة وم الاشرار
كان مسموح لى اشوف فى عينيك كل الانهار
واعرف تضاريس القلب وكل الاخبار
وازاى تروى فى قلبى اللون الاخضر
وتخضر فى العمر عمار
بإيدين بتطبطب على كتفى المحتار
الليل كان خلفية بعيدة
فى لوحه عمرى المنهار
نهرب منها لحدود الشمس
مع انى حاولت اتمنى وافهم لغة الهمس
واسيب الامس للامس
ما حاولتش افهم حدود الحلم
وازاى اكون بطل الفيلم
اعرف ايه ح يبقى منه
وايه ح يضيع
كات ايدك لما بتشك ايدى
اعرف ان الحلم ربيع
واما تغيبى احس انى باضيع
معرفتش ان خيالى كان سابق يومى
وسايب ارض الواقع بسنين
وقطر العمر لما بيجرى
بيبقى حزين
من خوفه على العشاق
لان كل القطرات الدنيا قطر فراق
==================محمد عبدالمقصود داود
كل التفاعلات:
١Mansour Benmansour
مجلة نداء الرؤح لفرسان الكلمات 