###########################################
==================- يا آخر الاحساس بالحياة
###########################################
يا اخر احساسى بطعم الحياه
يا نور فاق المعاير
ولمع فى عتمة المشاوير
كأنه قدر مسطور
شافه قلبى البرىء
وفتح له باب وبحور
يا فرحه العيد
يا اجمل المواعيد
لسه عصفورى بيغنى للامل ويعيد
صحيح
العمر راح من ايدينا
ضاعت نضارة شبابنا
ولهفة نظرة عينينا
جفت كفوفنا من جفا حبايبنا
وصارت الذكرى عكا كيزنا
فى الدنيا الحزينة
نشتاق للحظة ونس
لنهار ينسينا الفلس
لحروف بنغم تهز اوتار النفس
وتهد جدران الخرس
يصحى فى قلبى الحنين
يعيد اللى راح فى السنين
با احبك
وبلاش تقولى ظروف وناس
وبلاش تجرحى الاحساس
عيونك كات شطوط حيرتى
وشعرك كان بيرمينى لاخر امنية فى البال
كما شواشى النخل واخر الاطلال
با احبك حب مش بيطيب
كما الزعابيب
تجرحنى واقول دا نصيب
وبا افتح دفترى فى العيد
اشوف الواجب
واسرح فى اخر فرحه كات واجب
سرقوها م العين والحاجب
حتى جدران البيوت بقت حاجب
عالية بتخطف م العيلة عيلة
وبتعاتب
صارت الفرحه مذاهب
والبسمة مراتب
والبيوت الطين الدافيه اتهدمت
زرعوها فى الغيطان بدل السنابل
مات البريق فى الحب
والزيف غالب
فى العيد بلدنا دايخة
وبتنام نومة العازب
=============محمد عبد المقصود داود
كل التفاعلات:
٣فهدالصحراء الجرئ، وامواج البحر وشخص آخر
مجلة نداء الرؤح لفرسان الكلمات 