تغرق المراكب
عملت ايه عشان تبعد عني
وتزعل قوي
كانت فعلا غلطه مني
اعمل ايه كان جرحي
جامد قوي
الاطبه نصحونى احب قوي
عشان جرحي يلم ويستوي
كان ظنهم
اني الاقي تقدير لحبي
غاب عنهم
ان التجاهل زود لي جرحي
يا بختهم
ما جربوش كل اللي عندي
انا مش بدافع عنهم
ولا حتى غيران منهم
كان نفسي قلبي
يبقى جامد زيهم
دول اصلهم
درسوا العلاج بالدواء
كان فاضل لهم
يدرسوا ماده علاج بالهواء
وانا كان ناقصني
اعرف ان القلوب كلها
مش بنفس المستوى
فيه قلب طيب وقلبي قاسي
وقلب لؤلؤ وماسي
يا ترى قلبك فين منهم
لا احب اعاتب ولا اتعاتب
كتر العتاب يزيد الجفا
وبسببه تغرق المراكب
ما اقدرش اسير عكس الاتجاه
لازم اكون للريح مواكب
انا هسيبك على هواك
وبايدك حدد دواك
وان شاء الله تغرق المراكب
الشاعر / عامر عبده عامر مصر
أعجبني
تعليق
نسخ
مجلة نداء الرؤح لفرسان الكلمات 