أغنية : أصل الغدر
كلمات الشاعر : السيد عطيه
أرفع راسك ليه مكسوف
حاسس أنك فينا جرحت
كنت هقدر لو في ظروف
ولا ساعتها جيت وشرحت
أصل الغدر مالوش أسمين
وأول سكه لدمع العين
سابني هواك وراح على فين
بعد سنين فاكرني سامحت
حاسس أنك فينا جرحت
أصل ماشوفتش أيه شوفناه
لما الجرح لقلبي نداه
خدنا ف أيده روحنا معاه
ولحد أنت ماجيت وشوفت
حاسس أنك فينا جرحت
أعمل فينا معروف لو لينا
خاطر عندك ولا شارينا
سيبنا ف حالنا إحنا رضينا
وأنت سافرت هناك وأرتحت
حاسس أنك فينا جرحت
كلمات الشاعر : السيد عطيه
مصر
مجلة نداء الرؤح لفرسان الكلمات 