ملائكة الرحمن بقلمي سامح توكل ابو السبح
أنا مخلوق من الأحزان
أنا فى الفقر ليه متهان
أبويا وأمى فاتونى
أعانى الوحده والحرمان
هما فى التراب عايشين
وانا ميت بقى لى زمان
وحتى الأهل باعونى
سقونى المر كأس أشجان
كفوف الرحمه فين راحت
تعبت تعبت م الكتمان
أنا وجع السنين خدنى
لسكه بعيده مالها أمان
أنا حضن الألم والخوف
أنا رحله من التوهان
أنا خايف أنام واصحى
ألاقى الكون بلا إنسان
كتير خبطت ع الأبواب
وكان الرد بالخذلان
قلوب الناس بقت قاسية
وحتى الطيبه فى النسيان
أنا راجع لرب كريم
بايده الرحمه والإحسان
واقول يارب ساعدنى
ونورلى الطريق بحنان
وهاتلى أبويا فى الأحلام
وأمى يحضنونى كمان
أنا بكره هازور القبر
وهاقرا لهم كتير قرآن
وادعى فى الصلاه ليهم
ينولوا الجنه والرضوان
واروح فى الجنه واقابلهم
ونقطف زهر م البستان
ونلعب فيها ونغنى
مع الأحباب من الخلان
وهيزفونا بالأفراح
ملايكة ربنا الرحمن
وهيزورنا الرسول فيها
ويسقينا كؤوس إيمان
من الكوثر هيروينا
وننسى كلمة العطشان
بقلمى سامح توكل ابوالسبح
مجلة نداء الرؤح لفرسان الكلمات 