فى رثاء ابن صديق
يبلغ من العمر عشرة اعوام
طلعوا الملايكة
يقابلوا عب الرحمن
بالزينه والفرح والزغاريد
اصل عب الرحمن ملاك
إختاره رب العباد
لجل يكون جاره
حبيبي وابني وسندي
سكن جوار ربه
فارد جناحاته
خد الفؤاد وياه
وامه ليلاتى بتحلم
كل يوم بلقاه
جوانا سبت فراغ
يا ابو قلب كان أخضر
لبى الإله دعواك
خلاك قريب منه
برئ وطاهر جميل
محبوب لكل الناس
مافرقش حبيبي الموت
مابين قلبي
اللي باكي عليك
وبين عقلي اللي
رافض يصدق
انك رحلت هناك
باشوف صورتك ليلاتي
بتخبط على الشباك
اقوم اجري عشان
أخدك فى حضن كبير
تسيبني وتمشي واستناك
تجيني فى ايدك الحنه
يا عب الرحمن
ووشك بدر ومنور
وزايده جمال
اله الكون بتغريدك
مجلة نداء الرؤح لفرسان الكلمات 