انا مش عيسى
بقلم صالح منصور
صحيت من النوم
كما الاموات
تايه ضايع بين السكات
عيون جفت من الدمعات
بقيت تشبه غصن مات
وقلوب خاليه من النبضات
بقيت اقسى من الصخرات
ايدين سابت بقت جمرات
ولسان مسموم كما الحيات
وحروف مقتوله فى الطرقات
وراجل دين بقي غفير على العاهرات
وامام عادل بقي غرقان فى اللذات
وصوت اذأن بقي مسجون فى السماعات
وجرس الكنايس بقي يدق فى الجنازات
وعمر الطفل بقى ضايع فى الجوزات
عايز يهرب من اموات الى اموات
وفى وسط سرب طويل جدا من السكات
الله اكبر واحد صاحى من الشتات
سمعنا صوت بس اوع
تكون خيبه من الخيبات
بص كتير فى عيونا
دق كتير على صدورنا
همس كتير في عقولنا
صرخ فينا انا مش عيسى
علشان احيى الاموات
صالح منصور
٢٢
٣ تعليقات
أعجبني
تعليق
مجلة نداء الرؤح لفرسان الكلمات 