عيش الحياة كده ببساطة
أقطمها حتة شوكولاتة
ولا تشتريش حد بعُمرك
وما تنتهيش وتجيب اّخرك
ولا تديلوش فرصة يتاخرك
ما تقوله أديني أمارة
سحر العيون من تلوينها
واللحظة أحلى ف تكوينها
بس الحياة أكبر منها
لو شفت من غير نضّارة
سوق الحياة له قوانينه
وكل حي و له دِينُه
لو أشتريته عشت بدَينُه
والدنيا مكسب وخسارة
هاتعيشها تاجر وتبيعني
ياما حكيت ع اللي واجعني
واندَه عليك وانت سامعني
لا يجيني رد ولا أشارة
سيبك من اللي أنا فيه سيبك
ياما بعتني وخدت نصيبك
هاتلف وتدور هاتجيبك
ماهي دنيا دايرة و دوّارة .
شعر
حسام بخيت
١١
تعليق واحد
أعجبني
تعليق
مجلة نداء الرؤح لفرسان الكلمات 