مش فارقه ..
فى ناس شيفينها مهيش فارقه
وكأنك يا ابوزيد ما غزيت
ولا كان ليها لذمه تقوم ثوره
ولا حتى ياسيسي كمان جيت
طب ليه ياعم ؟..يقولك
وضع التعليم بقى فى النازل
والصحه مهازل فى مهازل
ودولار فى الطالع والنازل
بيجنن كل الاسعار
وزمان كنا بنشكى اللحمه
او حبه كرشه وممبار
دلوقتى العيشه بقت صعبه
والدخل ما بيجبش خضار
وفساد الناس المحميه
وديون داخليه وخارجيه
تدفعها الاجيال الجايه
وجنيه بقى قيمته بتنهار
ودى ناس وهى عايشه فى وسطينا
وعيونهم دايما فى عنينا
لابسين النظاره السوداء
ويسودوا عيشه اهالينا
وبسرعه خلاص نسيوا التوريث
و ال30 سنه حسنى رئيس
وما كنش تداول للسلطه
والحزب بينجح تدليس
و هو نسيوا الامن ايام مرسي
وكتايب من كل مكان
يستعفوا بيهم على جيشكم
ويمكنوا حكم الاخوان
هتقول لى التعليم والصحه
والدعم يادوب حبه فكه
انا همسك اعصابي معاكم
مش عايز اقول الفاظ جارحه
هوه التعليم هيعوز كام ؟
والصحه علاجها فى كام عام ؟
هو انتم مش كنتوا معانا
وعنيكم دى مش شيفانا
خرجنا من الثوره بعافيه
وفلوس الدوله مهيش كافيه
يبقي احنا نعظم مواردنا
وهنصبر حزمه سنتين
وبدانا الخطه وكات ناجحه
وفي سنه بقي عندك قناتين
وبدانا بمشاريع تنميه
وكبارى وانفاق فى الميه
والطاقه وشبكه طرقات
وبنينا مساكن شعبيه
وبرامج تنميه بشريه
واراضى ومشاريع زراعيه
وتنميه للثروه السمكيه
وهيبقى فى شرق التفريعه
اكبر مناطقنا الصناعيه
وعشان النيه كانت خالصه
فى عمار الارض المصريه
كان لينا من الرب بشاير
ووهبنا من فضله هديه
وكشف لينا اكبر بير للغاز
على طرف حدودنا البحريه
هيكفى احتياجات نهضتنا
ونكون م الدول النفطيه
والاشيه هتلعب ويانا
ونسد ديونا الخارجيه
بس انت ما تقلع نظارتك
والبسلك عدسات طبيه
يمكن ربنا ينفخ صورتك
وتشوف بعيون الوطنيه
.اشعار ***محمود طنطاوي
٤فهدالصحراء الجرئ، Mansour Benmansour وشخصان آخران
١٠ تعليقات
أعجبني
تعليق
مجلة نداء الرؤح لفرسان الكلمات 