ليه بتتذمر. ليه بتفكر
شايل هم غلا الاسعار
ربنا يقدر. هو يدبر
هو في ايده الاستقرار
دايما اشكر. احمده واصبر
ولا تزهق م الانتظار
خليك مسالم. وربنا عالم
باللي جوانا من اسرار
نسمع كوارث. حرب وحوادث
وناس ف رعب ليل ونهار
ظروفنا صعبه. ولينا رغبه
نمشي لنهايه المشوار
يعني حياتنا. ف مصر بلدنا
ربنا يحميها م الاضرار
ليه الاكتئاب؟. وبكره الابواب
يفتحها القوي الجبار
نرضي بقليلنا وربنا يرزقنا
ونطلب منه الاستغفار
حياتنا فانيه. متضيعش ثانيه
واتذكر فيه جنه ونار
كلمات
اشرف مفيد
مجلة نداء الرؤح لفرسان الكلمات 