( وليه تبكي ؟ ) :
وليه تبكي ؟
وليه مستني ليك طبطاب ؟
ما دام عارف
مفيش صاحب مفيش احباب
ده لو تصبر
وتتغلب على دموعك
حتلقى الجرح
من غيرهم في قلبك طاب
وليه تبكي ؟
وصار الكل مش عارفك
ما دام صاحبك
عامل نفسه ماهوش شايفك
بلاها دموع
بلاش شكوى من الأيام
وعيش واكتب
قصص وخيالها من حرفك
وليه تبكي ؟
على اللي باعوك وبالساهل
خسارة دموع
في ناس خاينه ما تستاهل
عاشر إنسان
عليك بيخاف
يكون بيقدَّر العشره
وما يفرطش بالساهل
وليه تبكي ؟
كفايه نواح كفايه دموع
تسيب قمرك
وتتونس بضي شموع
يضيع عمرك
وانت مش داري
وليه حابب
تعيش مخدوع ؟
وليه حابب
تعيش مخدوع ؟
وليه تبكي ؟
وليه تبكي ؟
بقلمي الشاعر جمال زكي عينر
١١
مجلة نداء الرؤح لفرسان الكلمات 