( مكانك في قلبي ) :
مكانك خلي
مكانك فضي
ولكن في قلبي
مكانك كبير
بتيجي ف منامي
وتفضفضي
وبسمع إليكي
وسرك ف بير
حبيبتي وأُنسي
في يومي وامسي
ومهما تسافري
لشطي بترسي
حبيبتي زمان
حبيبتي النهار ده
وحتى المكان
عليكي بينده
حبيبتي وعمري
اللي راح واللي جي
ده لو ليا عمر
باقيلي وحي
مكانك هناك
وأنا جاي وراكي
هشوفك ملاك
وهفضل معاكي
ونبدأ حياتنا
حياة الخلود
في جنة مديده
ومالهاش حدود
ده حلمي ف منامي
اللي طيفك ماليه
يوماتي ليلاتي
ببات واصحى فيه
يوماتي ليلاتي
ببات واصحى فيه
جمال زكي عينر
أعجبني
تعليق
مجلة نداء الرؤح لفرسان الكلمات 