( كبير وضهره إنحنى ) :
كبير وضهره إنحنى
جارت عليه الأيام
من بعد عِز وهنا
بقى ع التراب بينام
فين القلوب الرحيمه ؟
فين الصديق والخِل ؟
الأهل فين والقرايب ؟
إبن الأصول إنذَّل
من بعد عيله وعِزوه
وصحبه ليل ونهار
مش لاقي لقمه وكِسوه
بيواجه الاخطار
فين اللي كانوا ف ضهره ؟
يتعدوا بالعشرات
قطفوا وروده وزهره
ورموه عظام ورفات
أعتب عليك يا زمن
ولا على الأندال
باعوه ومن غير تمن
بعد أما نهبوا المال
قلوب ماليها العفن
وناسيه آخرتها
ناسيه الممات والكفن
وعايشه دنيتها
إعمل يا عبد ما شئت
الذنب ما بينساب
ده كل شيء له وقت
وكل شيء بحساب
ده كل شيء له وقت
وكل شيء بحساب
بقلمي الشاعر جمال زكي عينر
١١
تعليقان
أعجبني
تعليق
مجلة نداء الرؤح لفرسان الكلمات 