( 26 )
( المسحراتي )كلمات/صبري حسين
( 26 )
مسحراتي
انا المسحراتي
معاكم يوماتي
في نفس ميعادي
يا كل احبابي
يا اهلي وأصحابي
ارفعوا. اكف الدعاء
ربنا ينجينا من البلاء والوباء
ويرفع عنا الغلاء
ويرحمنا من الجهل والجهلاء
اللي بيتكلموا. في الدين
كل علمهم قرأة كتاب أواتنبن
عايزين يعملوا نفسهم علماء
يا ايها العقلاء
ليه بتتصدوا للكلام في الدين
خلوا. الكلام للمتخصصين
اللي أفتوا عمرهم في البحث والدراسة
الدين بحوره غويطة
علوم الدين شعب كثيرة
احاديث وفقه وشريعة
مقارنة للاديان وفلسفة
لكل حاجة متخصصين
لكل علم دراسين
معقولة يعقل يا متعلمين
واحد كل إنجازاته قرأة كتاب أو اتنين
تفتح له كل الشاشات
ويبث سمومه
الحقد علي الدين ساكن قلبه
عامي بصره وبصيرته
انت تبقي مين
علشان تنتقد علماء الأمة
ثوابت ثابتة
من آلاف السنين
عايز انت تغيرها بكلمتين
ياليت وقف كلمهم وهجومهم علي العلماء
لا تجروأ علي سنة الصادق الامين
بيقولوا احنا بالسنة مش ملزمين
خلاص خلعوا برقع الحياء
كذبوا وكفر ا العلماء
العلماء اللي أفتوا عمرهم في البحث والتحليل
وعرفونا الحديث الصحيح من الضعيف
جاين بعد آلاف السنين
يقولوا عليهم مش فاهمين
اجيال ورا. اجيال
الكل يبحث ويحلل
مفيش حد اتهمهم بالغباء
غيركم انتم يا شوية جهلاء
تقولوا عايزين نهدم القديم
نيجي بفكر جديد
يا اصحاب الفكر الرشيد
مفيش حد ضد التجديد
لكن لازم التجديد يكون من خلال علماء متخصصين
يا اللي عن الشهرة باحثين
شوفوا سكة
غير. سكة الدين
الدين له أهله اللي عليه محافظين
وانتم ايها المتنطعين
علي المناصب متاكلبين
ياللي عن الشهرة طالبين
وللترند عايزين تبقوا راكبين
شوفوا حاجة غير الدين
يا الي بتقولوا علي نفسكم علماء
خافوا من رب الأرض والسماء
المناقشات بين العلماء تكون داخل القاعات
مش علي الشاشات
التصدي للكلام في الدين
محتاج تكونوا له دراسين
في فروعه متخصصين
كلامي صح ولا غلط يا متعلمين
ربنا يهدينا اجمعين
يا مسلمين ياموحدين
كل سنة وانتم طيبين
رمضان كريم
صبري حسين
أعجبني
تعليق
