اعرفوني يوم ما اغيب عنكم
ساعتها اكون بعيد
يبقي اللي باقي مني حبة صور
واجنده مليان ذكريات
يومها اقروها بتمعن
م الغلاف للغلاف والكلام بين السطور
شموا ريحتي في الكلام
كل نقطه وكل حرف
يحكي عني ابتسامه عشتها
عن قلب غني في الصبا
لعبه فرحه يوم العيد
دمعه جات من غير مواعيد
يوم حضنا بعضنا
حضن شوق لهفه وحنين
يحكي عن أماكن عن وضوء
عن صلاه في لحظة أذان
كنت وسطيكم عشت ليكم
عشت بيكم عشت ضيف خفيف
ولا …..مية سؤال ومية إجابه
في الاجنده م الغلاف للغلاف
لم اغيب هتقولوا كان شقي بس طيب
كان خدوم كان سريع الغضب
راح توصفوني بكل شكل وكل لون
ناس ساعتها بتحبني تمدحني وتودني
بالدعاء …..ناس ساعتها عجيبه
تشمت فيا بطريقه غريبه حتي بعد غيابي
بساعات ….قول ليهم راح وغاب
بكره هتكون في مكاني كلنا مكتوب
علينا الغياب ….مهما طال العمر بينا
اخرتها حبة تراب …والباقي سراب
افهموها …..حبوا بعض في الحياه
وبعد الغياب …..كلنا ذكري وسيرة
والمسيره مكمله ….. وعجبي 
بقلمي 
شيرين ابوعميرة
٣شيرين ابو عميرة، احمد عبداللاه اوجاع احمد وشخص آخر
تعليقان
أعجبني
تعليق
