برنامج المسحراتي للشاعر \ مصطفى فريد
الحلقه. ( ٢٧ )
برنامج المسحراتي
اذيع بالتليفزيون المصري عام ٢٠١٥
للشاعر / مصطفى فريد
تتر.
مسحراتى داير انادي
فى كل وادي أقول يا هادي
أحرس ولادي وانصر بلادي
على الاعادي والطماعين.
نبضي فى قلبي بيدق طبلي
جادل فى حبلي بحري وقبلي
نجوم بتضوي بهجة وحنين
دا المؤمن المحمود
صاحب لسان بيجود
بالطيب وريح العود
عمره ما كان لعان
بينام بذكر الله
ويقوم على تقواه
ومابين دعاء وصلاه
بيكمل الأركان
ماسك على الأخلاق
والخير إليه سباق
وللكريم مشتاق
قبل الأوان بأوان
قبره جناين نور
مفروش هنا وسرور
والرمل تحته طهور
فى حضنه كان فرحان
صفوف ملايكة وحور
تستقبله بزهور
داخل سعيد مجبور
بهدوء وباطمئنان
فيناله.
بانادي دايما
الله ربي
وهادي قلبي
فى كل وقت وكل حين
ادعي لربك
يغفر لذنبك
ويخف جرحك
ويعم فرحك
وتروق ملامحك
ويمد لينا شهره الكريم
أعجبني
تعليق
