برنامج المسحراتي
الحلقه. ( ٢٨ )
برنامج المسحراتي
اذيع بالتليفزيون المصري عام ٢٠١٥
للشاعر / مصطفى فريد
تتر.
مسحراتى داير انادي
فى كل وادي أقول يا هادي
أحرس ولادي وانصر بلادي
على الاعادي والطماعين.
نبضي فى قلبي بيدق طبلي
جادل فى حبلي بحري وقبلي
نجوم بتضوي بهجة وحنين
يا شايل هموم دنيتك
مين راح يشيل همك
ويدفي ليل غربتك
لو العذاب ضمك
الدنيا من حظنا
لينا ماهش دايمه
وكل يوم تحزنه
محروق معاه دمك
ارتاح وارضى بنصيبك
خللي الليالي تمر
عيش حياتك وسيبك
مهما يزيد المر
بالحب نور طريقك
أملك زمام أمرك
بكرة يجيك الموت
وتقبله مضطر
فيناله.
بانادي دايما
الله ربي
وهادي قلبي
فى كل وقت وكل حين
ادعي لربك
يغفر لذنبك
ويخف جرحك
ويعم فرحك
وتروق ملامحك
ويمد لينا شهره الكريم
أعجبني
تعليق
مجلة نداء الرؤح لفرسان الكلمات 