( 28 )
( المسحراتي )كلمات/صبري حسين
( 28 )
مسحراتي
انا المسحراتي
معاكم ليلالتي
في نفس ميعادي
بدأت الملم في اوراقي
كلها يومين
وينتهي شهر رمضان
شهر الخير والاحسان
كل سنة وانتم طيبين
كتير مننا منتظرين
نهاية الشهر الكريم
لاتمام مراسم الخطوبة والزفاف
وإقامة الافراح والليالي الملاح
يارب يجعل كل ايامكم أفراح
الفرحة مطلوبة
عادة محمودة
لازم نكون عارفين
والدين فاهمين
وليمة العروس سنة علي الرسول
عليه افضل الصلاه واتم التسليم
لما خطب الامام علي السيدة فاطمة الزهراء قرة عين الرسول
قال عليه الصلاة والسلام
لابد للعروس من وليمة
سامعين يا مسلمين
شوفوا احنا وصلنا لفين
افراحنا بتتكلف آلاف وملايين
بنحتفل بالحلال بكل انواع الحرام
احل الله سبحانه النكاح
وجعله وسيلة لاستمرار الحياة
بنحتفل به بالاختلاط بين البنين والبنات
بالرقص واالمعروفات
نحتفل بعرض الأجساد
كرنفال. ازياء
ملابس لا انزل الله بها سلطان
كاسيات عاريات مميلات
يا عم كبر دماغك
دي ليلة بتيجي كل كام عام
لازم نلبس أحدث الصيحات
ونسرح اجمل التسريحات
ونتعطر بافخر. البرفانات
كأن الفرحة مش هنكمل من غير المحرمات
العريس لابس ومتشيك
وعروسته في ابهي زينة
امها بها فخورة
هي بنفسها. مبهورة
الفرحة والله مطلوبة
لكن مش بهذه الصورة
يا عريسنا يا حليوة
عيب عليك تعرض لحمك
حرام عليك
خاف علي عرضك
راحت فين رجولتك
افرح يا عم براحتك
من غير ما تغضب ربك
يا مسلمين ياموحدين
كلنا بنحب الفرحة
بس عايزين الفرحة مع الطاعة
مفيش حد ضد الفرحة
عايزين نرجع لاخلاقنا
ونعمل بتعاليم دينا
نفرح واحنا ساترين. أنفسنا
محافظين علي حرمة أجسادنا
صاينين شرفنا
نبدا حياتنا
بطاعة خالقنا
بلاش نقلد غيرنا
لا احنا من توبه ولا هو من توبنا
هم لهم ثقافتهم واحنا لنا ثقفاتنا
احنا عندنا شريعة تحكمنا
الدين كل ڜئ علمنا
الدين نظم حياتنا
يا مسلمين ياموحدين
الدين أباح الافراح
لإدخال السعادة والبهجة
عايزين نلتزم بتعاليم اسلامنا
بلاش نعرض أجسادنا
وإبراز مفاتنا
يارب نرجع لعقولنا
ويديم علينا. افراحنا
افراح توافق أخلاقنا وتعاليم دينا
يا مسلمين ياموحدين
كل سنة وانتم طيبين
رمضان كريم
صبري حسين
أعجبني
تعليق
مجلة نداء الرؤح لفرسان الكلمات 