////////+++هولني+++////////
هولني سيادي للي سارو
احبابي للي مشاو وزارو
واصلين لسيد كل الاطهار
ولبو القاسم داك المخثار
وانا ف الحلم غادي معاهم
وانا موجود في باب هواهم
طامع ف الصحو نلقى لعبير
كل ماهو جميل سيادي وخير
سابق كل سفينة ومركب
وانا ف عشق الهادي لي مطلب
ياك نوصل احبابي ونزور
يفرح بوحي يقبل سر السور
اعذرني يارسول ياعز نبي
ياعشق يااسراار حبي
دمعة الفاقة ف خدي تجري
وانا ماعارف كيف ندري
دنيا غلابة يا غالي
راسخ في عقلي في بالي
وا امثى نوصل ونلبي
يرتاح نبضي يهنا قلبي
يابشارة الجنة يامحبوب
قلبي بشوقك سيدي مسلوب
وشحال منهم بالسيرفازو
بالشوق سيادي ياك حازو
ياك ضاءت طريقهم بمحبة
وانا ف خيال واصل القبة
انظر لي بمحبة الزهرة
نوصل ونفوز بديك نظرة
بقلم صقر الحروف الزجال المحجوب
مجلة نداء الرؤح لفرسان الكلمات 