( آه يا جدع ) :
عيني عليك آه يا جدع
إوعاك تصدَّق الوَدَع
ده عقولنا دايماً تنكره
اصل الحكاية إن الجدع
حس بوجع
حس إن قلبه من مكانه
حينفصل
راح ينخلع
راح ع الطبيب قال شكوته
عرف اللي فيه
صابه الهلع
صمم يداري ع الجراح
ويعيش حياته بالخِدَع
سهم الحسد صاب الفؤاد
وزلزله بشق وصَدَع
لكن الجدع زاد في العناد
زي الجبل
ما بينقلع
ومهما برضه الجرح زاد
ما بيرتعد
ولا ينفزَع
راجل ولا كل الرجال
مالوهش في الطيش والدلع
آه يا جدع
وعشان جدع
زي ما كتمت الجراح
والدمع ف عينيك إتمنع
الدنيا قدامك براح
عيش دنيتك
ولا تنجزع
دوس ع الالم
وانسى اللي راح
عيش دنيتك
عيش يا جدع
عيش دنيتك
عيش يا جدع
بقلمي الشاعر/ جمال زكي عينر
١١
تعليق واحد
أعجبني
تعليق
إرسال
مجلة نداء الرؤح لفرسان الكلمات 