ماهو قولنا الحب ده حاله
عشان تخف ده استحاله
وعلاقته بيه ديه محاله
كان شتى أو صيف
انا كل ماببعد يندهلى
واقوله ماحصلش يقولى
ده كلام تخاريف
لو كنت من الحب قريب
ابعد ابعد واوعى تقرب
مابقاش بيعمر بقى يخرب
والقلب ضعيف
ياسلام ع الحب وتخاريفه
لما تقرب بيزيد خوفه
والكل غنى عن تعريفه
وده غرضه شريف
انا قولت أما ابعد م الاول
اصل انا فى الحب أما بطول
وبحس قلبى بيتحول
وبدون تكليف
انا اقوله ابعد ابعد خالص
من ده الاحساس انا مش خالص
ويا دوبك قلبى انا خالص
وكلامى خفيف
ماتخف ياعم كده شويه
ده كلامك ده اثر فيه
عمال بقول م الصبحيه
يالطيف يالطيف
م الحب خلاص احنا اخلصنا
ولاحد فى يوم تانى حاسسنا
اوعى تقول فى الحب لبسنا
يامخيف يامخيف
احساسى وهاتخلص منه
ده خانقنى يوماتى كده اكمنه
انا اصلى ماحرمتش منه
وعايز تكييف
وياريتك بس تقول حاجه
وقلوبنا خلاص مش محتاجه
انا قولت ده أصله ولاحاجه
مابقاش تعنيف
مش كل مابكلم واحكى
تلومونى وتقولوا أنا بشكى
ياخواتى شويه كمان وابكى
وده مش تخويف
راوية حسن
مجلة نداء الرؤح لفرسان الكلمات 