( عامية مصرية )
بقلمي/ أشرف محمد السيد
“””””””””””””””””””””””””””””””””””””””
قصيدة/ حكاية زيزو
( عامية مصرية )
بقلمي/ أشرف محمد السيد
“””””””””””””””””””””””””””””””””””””””
زيزو كان نايم وقام
فين مراتي فين ولادي
والنهاردة يبقي كام *
الخميس كان بعدوا جمعة
فين مراتي أم سمعة
يمكن البق قرصها
أو بتطبخ فول بدمعة*
طب هقوم أشخط وأنادي
فين مطوبس فين هنادي
هشطف القرعة ووشي
مش هاممني غير ولادي*
الكنيف أصبح صغير
شيئ يجنن شيئ يحير
والسيفون تحت المخدة
والبتاع مرخي وقصير*
فين مرايتي فين صباعي
ديك بيدن فوق دراعي
تُقل بيدب ف نافوخي
شكلي مش فايق وواعي*
لأ يا زيزو فوق وروق
إغسل التوك توك وطوق
إلبس الجزمة بشرابها
كل يوم لازم تعوق*
شكلي ناسي وكنت فاكر
مش بركز مش بذاكر
سابت العيشة وراحت
م المصايب والمشاكل*
رايح أجيبها مش هسيبها
وأعتذر وأشكيلها عيبها
وأبكي بالدمع وأصونها
وأرمي رزقي جوا جيبها*
إرحميني وإعذريني
دي العيال بينك وبيني
مش ههينك تاني خالص
روحي قلبي ونن عيني*
خدت أولادي ومراتي
بوست رأس عمي وحماتي
ضحكت الدنيا برجوعها
مش هزعق مش ههاتي*
إرضي بالمقسوم نصيبك
داري نقصك داري عيبك
عيش حياتك قوم وكافح
تلقي أحزانك تسيبك*
“””””””””””””””””””
بقلمي/ أشرف محمد السيد
٢ارق ملاك وشخص آخر
تعليقان
أعجبني
تعليق
إرسال
مجلة نداء الرؤح لفرسان الكلمات 