رنين

يحيى حسين القاهرة

11 مايو 2024

رنين

عمال ارن على الحبيبة

وكل رنة في القلب دقة

بعيدة عني وكانت قريبة

عمال ارن والرد لأه

حبيبتي ردي بلاش تصدي

دا حبي ليكي أجمل حقيقة

بيرن قلبي عليكي ردي

ردلي روحي تايهة وغريقة

وازاي اعيش وروحي غايبة

من غيرها أعيش دا مستحيل

والقلب تايه والشمس غايبة

ألقاها فين من غير دليل

وإنتي دليلي يا شط نيلي

إنتي الحياة إنتي الوجود

إنتي زهوري بساتين نخيلي

نسيتي ليه أجمل عهود

لما أتعاهدنا قدام وعودنا

يكون وجودنا شط النجاة

وكان الحب والليل شهودنا

من غيرك إنتي مافيه حياة

يحيى حسين القاهرة

11 مايو 2024

عرض الرؤى

معدل وصول المنشور: ٧

أعجبني

تعليق

إرسال