-بقلم: محمد دومو
-مراكش/ المغرب
( زجل مغربي )
اهدى يا خاطري!
( زجل مغربي )
القلب يتألم كثير ومجروح
والعقل هايم لهيه ومخطوف
نعد النجوم بالليل وسهران
تايه بحال شي مجنون
وعيني ما كتشوف النوم
اهدى يا خاطري عفاك
براكة من وجيع التحقيق
راه لي حققوا البارح
حاروا وجناو اليوم لعذاب
اهدى يا بالي الجوال
وقلل عليك كثرة التخمام
ݣالو الناس لملاح ت زمان
إلا بانت المعنى
لا فائدة فالتكرار
وصاتي ليك بالصمت كفاية
واترك عليك الغيرة الخرابة
واتبع ديما صفوف الجماعة
بحال الناس غير زاݣي وتشوف
لا خير باقي فهاذ الݣارة
لا غلة يمكن باقي تجنيها
بحال ذيك البحيرة المدمرة
لي داز منها وخربها الحلوف
-بقلم: محمد دومو
-مراكش/ المغرب
كل التفاعلات:
١Mansour Benmansour
مجلة نداء الرؤح لفرسان الكلمات 