اكتب
ياقلم كلمتك
قولها واتكلم
عبر عن اللي
جواك
ياخسارة ياقلم
وجعك اللي جواك
ظهر وبأن
علينا اهو علم
قلم الحق انكسر
والظلم صارله بحور
للظالم يغرف منها
وعلي الغلابة يجور
مال القلم مايل
واعوج ليه سنه
صرخ القلم قايل
جواية الاه مكتومة
مخنوق
ياقلم بالمنشقة
وكسرور لك سنك
خايفين منك ياقلم
ليوم يتفتح فمك
بكرة يفيض الكيل
وتقول ولايهمك
مسير الحق يتقال
مهما يكمٌوا فمك
مكسور
ياقلمي بلوي دراع
عايزينك تكون خداع
تكتب مايعجبهم
وكمان لااغرضهم
وتكون لحسابهم
بتاع مايهموش
الحق فين ولاعند
مين ضايع
ولايكون ليهم
في يوم فزاع
من كتر هم القلم
وقف القلم محني
بقوله قوم انفرد
قام وقف وتنحلي
قالي اجيب ازاي
حق مغتصب
وانا مكسور
ومش مسمحولي
اقلامنا ليه قصفوها
وعليها ليه حالفين
يطلع و١٣٠٠يمين
ليعدوموها
عشان ماتلوم
عليهم بكلام
سهمه مشين
اصلهم علي
نفسهم خافوا
من قلم بيتكلم
في الحق
وحالف
مايبات حزين
عايز يقول الحق
ويعرفوا السامعين
وهما مش عايزين
وليه كمان رافضين
اكتب ياقلم اكتب
اكتب وقول موالك
يمكن الدنيا
في يوم تحلالك
وساعتها
نقول ياجمالك
علي بتكشفه
الأيام لينا عنهم
من غش ومن خداع
ياقلم مالك كدة
واقف منك الظهر
انحني
مخنوق فيك الصوت
شايف اللي بيحصلك
وف وش الظلم بتصرخ
عاوز بسرعة تفوت
حاكمينك وحكمهم عليك
آسي عشان مصيرك موت
لجل ماينفيدوا
بعمايلهم من ظلمهم
للملكوت
لكن ربك شاهد مطلع
وحكمة سريع النفاز
ع اللي ظلمونا وبعونا
وكانوا ضلاعين
في الجبروت
ماتحسبوش
ان ربنا عنكم غافل
ولا علي اللي باعوا
نفسهم للشياطين
وفكرهم بعميلهم
هتفوت
والله بكرة لتندموا
لحظة ماتيجي
السكرة واخرها
يكون الموت
بقلم عبد المنعم مرعي
كل التفاعلات:
١Mansour Benmansour
مجلة نداء الرؤح لفرسان الكلمات 