**********************************************************
======================== كلهم رافضين غيابك
**********************************************************
كلهم رافضين غيابك
القلب والروح
والتبض اللى عاش على بابك
مسجونين فى لجظات اشتياقك
ما بين المستحيل والممكن
وبين امل عاش فى محرابك
لا قادرين يبدلوا الاشتياق
ولا قادرين يقروا كتاب غير كتابك
حتى فى النزع الاخير ماسكين فى ديل ثيابك
والقلب اتولد من ضلع احضانك
يرتوى نظرةعيونك وحنانك
البعد ما كان على بالى ولابالك
احنا اللى عيشنا العمر
نحلم نكون اجوبه لسؤالى وسؤالك
كلمة با احبك تعويذة دلالك
نضحك بها على القدر
وظروف بتقفل فى بابك
انا وانتى
كما العصافير نطير ونرجع عشنا
فيكى شىء انا وقلبى شدنا
نهرب من الغربان ونرسم حلمنا
حدودنا الحياة حلوها ومرها
وطن صغير يضمنا
نمسح وجعنا فى ضلنا
نهرب ونتلاقى
قلوبنا مشتاقه
نفرد جناح الامانى ونطير لابعدمكان
بضحكة سراقه
ضحكة يتيم شاف الحياة خناقه
جرى على حضنك بشويش
فضمتيه وقلتى عيش
بعدك مفيش
للحياه معنى
عصفور وقلبه عفى
رسم حدود السما
بيكى و اكتفى
بس ليه على الارض حلمنا اختفى
============محمد عبد المقصود داود======
كل التفاعلات:
١Mansour Benmansour
مجلة نداء الرؤح لفرسان الكلمات 