الناقد
حمدى البوقى
__________
حلم وقلق
__________
قلب العيال
دنيا وحياة
مزروعة أمل
حلم كبير
حلم صغنتوت
على قد الشمس م تفوت
زارعين حشاهم راحة
بين الضلوع واحة
فيها غنا ومواويل
وضي القمر ياليل
سهران والدنيا عيد
بيغنوا
هز الهلال يا سيد
سنة جديدة
بكرة نعيد
هز الهلال يا هلالى
زيح عتمة الليالى
هز الهلال يامنادى
محروسة ياأرض بلادى
والأم وسطيهم فرحانه
وحكاية حادى يادى
وقبل طلوع النهار
حلم العيال انهار
طلعوا شوية اباليس
زرعوا قلق
حصدوا الراحة
الدم سأل ع التراب
رسم خريطة للوجع
الشمس طرحت الم
واهات ف البيوت
رصاصات غدر كتيرة
كل رصاصة
تقتل حلم ولد
تقتل حلم البلد
بقلمي
الناقد
حمدى البوقى
مجلة نداء الرؤح لفرسان الكلمات 